رسالة من شاب إلى عمر منصور بعد عزله !!

sdfre

AddToAny

رسالة من شاب إلى عمر منصور بعد عزله !!

  • بتاريخ : أربعاء, 2017-11-01 19:03
  • نشر بواسطة : صبري دريدي

 

عندي شهر عايش تجربة ممتازة خلاتني نحس بروحي تونسي و اول مرّة في حياتي نحس الي بلادي عطاتني قيمة و عرفت الي نجم نكون صاحب قرار ولا نجم نطرح فكرة ولا نبلغ صوتي و صوت ولاد حومتي لمشكل عنا في البلاصة الي نسكن فيها و نجم نصلحها... فرحت برشة كيفي كيف عشرات من الشباب الي رافقني في التجربة هذه من الحوم الكل المرسى ،الكرم، سيدي حسين، القصبة ، باب سويقة ، المنزه، النصر... لكل قعدنا و طرحنا افكار و عبرنا كيما نحبوا و نقدنا و شكرنا و بدينا نخدموا في خدمة باهية حبيناها تكمل اما الله غالب يا سي عمر ... الحاجة الي تحب تعملها و ايمانك الي البلاد هذي ما تتحرك كان بتشريك الشباب في القرار و لااستماع لمشاكل الشعب مباشرة دون بروتوكولات ايمانك الي البلاد هذه تنجم تتصلح و تنظاف بتطبيق القانون ...هذا الكل برشا ما يمنوش بيه و ما يحبوهش... نحب نشكرك على الحلمة الي حلمتها معاك انا و صحابي و تو بش نرجع للاحباط الي كنت عايشو و الي عايش عليه الشباب التونسي ... ربي يهدي الي كان سبب.

شاب تونسي